قصه شعبية لا أدري عن صحتها
حصلت في قريه قريبة من مدينة
الرياض في السعوديه
قبل ان تسمى الرياض كان هناك شاب اسمه عايش يعيش في هذه القرية وكان يحب بنت اسمها نوره في يوم من الأيام ذهب عايش لكي يخطب نوره ولكن أبو نوره
رفض لانه عايش كان على قد حاله وما عنده حلال
ولا عنده فلوس كثيره فشاف عايش نوره عقب ما طلع
من عند ابوها وقالها نوره أنا راح يصير عندي فلوس
وراح أشتغل وراح أرجع أخطبك وأتزوجك ونوره كانت
تحب عايش فوافقت إنها تنتظره.
سافر عايش إلى منطقة مرموقة في السعودية وصار يشتغل في التجارة
ومرت الأيام وصار عنده فلوس ورجع لقريته عشان
يطلب يد نوره من جديد ويتزوجها
ولكن لما رجع القرية تفاجئ إن نوره تزوجت لأنه أبوها أصر عليها إنها تتزوج
وكان عندهم البنت لازم تتزوج إذا جاها شاب قادر
على الزواج.
وتفاجئ أيضا إنه مو بس تزوجت
بل هاجرت إلى مكان ثاني مع رجلها ولا أحد من القرية
يعرف المكان.
وقرر عايش يسافر
ويدور على نوره ومر على القرية الأوله وراح
وسلم على أمير القرية وقاله أنا عندي لغز
والي يجاوب عليه بعطيه كل حلالي فقاله الأمير
وشو اللغز قال بنشدك عن نور القمر وشلون نوره ؟ أحد الجالسين
قال له أبيض واحد ثاني قاله أصفر وكل الأجوبة غلط
محد عرف حل اللغز فسافر إلى قريه ثانية وطرح عليهم نفس اللغزولا أحد عرف الجواب
مر على عدت قرى ولكن لم يجد من يحل اللغز
ومر عايش على قرية وهو تعبان مرة من السفر فقالهم
أنا عندي لغز واللي يعرف الحل بعطيه كل حلالي .. قالهم
ابنشدك عن نور القمر وشلون نوره ؟ محد عرف الجواب فقالهم أنا اليوم بنام عندكم
لأني تعبان واللي يعرف الجواب يقوله لي الصبح
ومن بين الحضور كان زوج نوره موجود
فرجع للبيت قام يسولف مع زوجته نوره قال جانا اليوم
واحد خبل يقول عندي لغز واللي يحله أعطيه حلالي كله فقالت له قولي وشو اللغز
يمكن أحله قالها ابنشدك عن نور القمر وشلون نوره ؟ فبتسمت
نوره وقالت له عرفت الجواب
قالها صدق قالت له قوله مثل السمك في البحر وشلون عايش؟ فقام الصبح رجل نوره وراح وقاله أنا عرفت الجواب فقاله
وشو الجواب قاله مثل السمك في البحر وشلون عايش ؟ فابتسم عايش وقاله هذا مالي وحلالي وسلملي على نوره
معقول في حب في هذي الدنيا زي كذا يابخت نوره بعايش ياحظها
أعجبتني فنقلتها بتصرف
العرض العادي
