يسلموووووووووووو بنوتة عالموضووع المهم ..
يمكن اللي يحط مشكلتو هنا ماحيحلها 100% بس اكيد حيرتاح انو اتكلم عنها ..
ويمكن تنحل من احد الاعضاء .. لانو دايمن اللي عندو مشكلة يكون التفكير عندو مشوش وحاسس انها نهاية العالم ..
اكون.. من كلامك باين انو كانت زمان في ثقة بينك وبينهم وراحت .. كيف حترجع الثقة دي !
كلمهم بصراحة واطلب منهم انو يعطوك الثقة وقلهم انو انت مارح تخذلهم وحتكون قدها .. قلهم جربوني اسبوع لقيتوني مني قد الثقة ارجعوا عاملوني زي ماكنتوا تعاملوني اول
صراحة الثقة من الاشياء اللي ازا راحت ماترجع تاني .. حاول تكسبهم قد ماتقدر وتحاول المستحيل انو ترجع ثقتهم فيك .. وصدقني يمكن اللي بيعملوه عشانهم خايفين عليك .. احيانا تكون تصرفات الاهل غير مفسرة لكن بالتأكيد سببها يكون خوفهم على اولادهم لانو محد حيحبك اكتر من امك وابوك .. ويمكن اللي بيسير معاك مو عدم ثقتهم فيك , عدم ثقتهم في اللي حولك يمكن اصحابك يمكن سمعوا شي عليهم او شافوا شي عليهم .. حاول تغير اصحابك او حاول تعرف ابوك على اصحابك وتخليه يثق فيهم اخرج معاه الاماكن اللي بتروحها عشان يثق فيك زيادة ويعرف انو مابتعمل شي غلط .. اتقرب من امك وابوك زي ماقالت دودي ناقش معاهم مشكلاتك ووريهم انك قد المسئولية ..
اتمنى يكون رأيي ينفع لحل مشكلتك ..
يمكن يكون الكلام اللي قلتوا مو حل مجرد رأي شخصي .. فسامحني ازا اخطأت ..
واخر شي اشكرك على جرأتك في طرح مشكلتك .. وانا صراحة غرت منك وحاطرح مشكلتي
.................................................. .................................................. ...........................................
بداية احب اوضح انو انا ماعندي مشكلة بمعنى مشكلة ويبغالها حل ..
كل الموضوع انو انا متخرجة من الجامعة ليا سنة :huh:
وبادور على وظيفة زي كل البنات المتخرجات ..
انا عارفة انو الواحد في بداية حياتو المهنية لازم يقابل مشاكل قد الدنيا ولازم يترفض .. بس في المقابل لازم يستمر في المحاولة وماييأس ويفضل ينحت في الصخر ..
انا لمن اترفضت كم مرة .. حسيت بالفشل والاحباط
اتخليت عن حلمي اني اشتغل واسير انسانة لها هدف وطموح ..
سرت انسانة كل هدفها في الحياة اني احافظ على جمالي ورشاقتي ونضارة بشرتي ..
نسيت حلمي الاساسي او بالاحرى تناسيتو .. لاني خايفة اترفض تاني ..
بس بعد كل دا مرررة حاسة اني انسانة فاشلة ...
شعوري بالاحباط واليأس قتلني .. نفسي اسوي شي بس حاسة اني مشلولة .. كل مااجي اتحرك وابغا اصنع مستقبلي الاقي الرفض من كل مكان ارجع ايأس ..
وطبعا حاولت اعدل من نفسي واعالج السبب الرئيسي في الرفض والي هوا االلغة الانجليزية ..
لغتي الانجليزية ضعيفة .. وحاولت ادخل معاهد مااستفدت شي .. مرة التعليم الانجليزي بطيء ..
عشان كدا فضلت زي ماانا اترفض من كل مكان اروحوا ..
قالولي في وظايف مايحتاجلها انجليزي .. قدمت قالولي ماعندك خبرة ..
يعني اتسدت قدامي ابواب الدنيا كلها ..
ودحين انا مرررررة محبطة ومني عارفة كيف اخرج من الاحساس دا ..
تعرفوا شعور لمن تبغوا تعملوا شي ومنتوا عارفين اش تعملوا ؟!
صح اني ركزت على نفسي من الناحية الخارجية .. رحت اتعلمت ميك اب وشعر .. رحت سبا وعملت علاجات لبشرتي وجسمي ..
بس اش الفايدة اني راضية عن نفسي من برا وانا من جوا مهزوزة وحاسة بالفشل ..
عندي ثقة في نفسي واني ممكن اسوي كل شي واني ممكن انجح بس ابغا الفرصة تجيني عشان اثبت الشي دا ..
بس للاسف ماعندي جرأة اني اروح ادور على الفرصة بنفسي !
ووووبس هيا دي مشكلتي ان شاء الله مااكون طفشتكم وجبتلكم احباط
سوووري اني طولت عليكم ..
وتسلمي بنووتة على انك اعطيتيني فرصة اني افضفض شوية
يعطيكم العافية
العرض العادي
