ياكريمـة مشاعـر وصـف مانجمعـة
فيك يسرح خيالي وان سرح بك يعـود
البحـر تشبهينـة والبحـر ماوسـعـة
مال وصفة حـدود ولا لزينـك حـدود
الله أكمل جما لك فـى البشـر وبدعـة
كاملة فـي جمالـك نـادرة فالوجـود
الشعـر تمشطينـة والهـوى يشلـعـة
من نعومة حريـرة يعزفـة كـل نـود
وخفـة الـدم فيهـا ماهـي متصنعـة
يتجـدد كلامـة مايـعـرف الجـمـود
وصوتها به حنان(ن)يسحـرك مسمعـة
ولة قوامن رشيق(ن )مثل ظبي(ن)شرود
قايـد الريـم كـل الريـم هـي تتبعـة
تتبعـة لـو يوردهـا الضمـا فالنفـود
ااااااه ماغض عودة واااااه مـا أروعـة
كـن وجنـة أخـدودة منبع(ن)للـورود
بنـت شيخ(ن)صغيـرة سـن ومدلعـة
تفتخر فـي أبوهـا وخالهـا والجـدود
ياشبيـه القمـر ليلـة عشـر وربعـة
ياسناء شمسنا اللي عـم كـل الوجـود
انتي أغلا مـن المحـار واللـي معـه
لؤلؤه جوهره عطـر جـوري وعـود
حبـك اللـي بقلبـي تطبعـة مطبعـة
حبرة اليوم دمـي وكـل مالـه يـزود
والله ان السنين تمـر وهـي مسرعـة
بس والله لحبك لين انـا صيـر عـود
حب ماهـو حـب اللـي يبـي منفعـة
لا لقى حاجتة صـدر وبـاح السـدود
حب صادق ومخلـص أبدوي(ن)معـة
قلب (ن)أصدق من اللي يكثرون السجود
ضمني عـن زمـان الغـي والمعمعـة
عن زمان العجايب عن زمـا الجحـود
جاك شاعر وحضة منه صـف أربعـة
كل ما جـاء يطلعهـا علـق بالحيـود
بـس عنـدة كرامـه دايما(ن)تدفـعـة
مايذل الكرامـة ليـن يـروى الحـود