((( أشعار فايق عبدالجليل )))

ليتنى همك · 12-13-2005

بسم الله الرحمن الرحيم

تحية طيبة وبعد ...،،،

أردت جمع أكبر عدد ممكن من أشعار الشاعر الكبير الأسير فايق عبدالجليل في مكان واحد ، وقد اخترت له هذا الموضوع..

والشاعر فايق شاعر كويتي معروف كتب قصائد عديدة وكانت غاية في الجمال.. قبل أن يتم أسره على يد جنود صدام في 3/1/1990..

اسم الشاعر الحقيقي هو فايق علي محمد العياضي.. اشتهر بإسم فايق عبدالجليل نسبة إلى خاله عبدالجليل.. الذي تولى رعايته.. وهو من مواليد الكويت عام 1948.. متزوّج ولديه ولد وأربع بنات.. هم غادة - فارس - رجاء - سارة - نوف.. بدأ حياته رساماً ثم اتجه إلى كتابة الشعر..

أترككم الآن مع أشعار أبو فارس.. والموضوع مفتوح للجميع .. لذا من أحب أن يضيف قصائد له فأهلاً وسهلاً..

(( آخر زيارة ))

آخر زيارة .. حسيت في آخر زيارة
شي بعيونك مختلف .. وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا
وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف

(( وهــم ))

وهم .. كل المواعيد
تعب .. كل المواعيد
باسم الحب .. باسم الشوق
مأساتي معاك تزيد
واتم بعيد .. وتتم بعيد
واتم مثل الحزن .. انطر سحابة عيد
اجي ملهوف .. عطش تحت المطر ملهوف
وقتي يطوف .. لوني ضايع ومخطوف
يضيع الشارع بصمتي
وصمت الانتظار سيوف
وكل ما مر وهم صوبي .. اقول انتي واتم بعيد
ألم .. كل ساعة .. وكل لحظة ألم
وين عيون حبتني .. ومنتني؟؟
وقالت لي نعم
تلاشت فرحتي .. وتاهت خطوتي
وحلمي كبير .. في لحظة انهدم
وكل ما مر وهم صوبي .. اقول انتي
واتم بعيد .. وتتم بعيد
واتم مثل الحزن .. انطر سحابة عيد

ليتنى همك · 12-13-2005

(( أحبك ))

أحبك كثر خطوات الثواني
كثر ما تبكي في الصمت المعاني
كثر ما تشهق امواج المواني
اجي مثل الربيع غرقان بألواني
اجي وياك ورده تخاف بستاني
طفله شايله احزاني
اجي وياك اتبع سر ناداني
اتبع صمت ناداني
و احاول و انت ما تدري
احاول انا و لساني
احاول و اخسر رهاني
احاول و انا في ضعفي
احاول انهي بركاني

ليتنى همك · 12-13-2005

(( ابعاد ))

ابعاد كنتوا ولاّ قريّبين
لمْراد انكم دايم سالمين
ما اقول غير الله ..
الله يكون بعون كل العاشقين

اشتاق .. واسأل عنكم الأشواق
لفْراق .. ما غيّر علي لفْراق
عساكم ما نسيتوني عساكم
عسى ما مر هوى بعدي وخذاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

منيتي أسهر معاكم كل ليله
واشتري بعمري رضاكم ليله
يراودني أمل في ليله القاكم
واطرز بالفرح أحزان فرقاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

ليتنى همك · 12-13-2005

(( سالفة صمتي ))

يلاحقني الورق
تاخذني هموم الوقت من وقتي
اسكت والسكوت أنتِ
أحاول والحلول أنتِ
شسولفلك .. وانت سالفة صمتي
بسمرت الشفايف
بين صمت وصمت
تحديت الزمن
حتى نساني الوقت
خطيتك على الإصرار
على التكرار
وشلتك في سكوت
الحب
حبيبة آخر المشوار
حبي فوق تعريفي
حبي فوق تحريفك وتحريفي
وأنا ملزوم اتصبر
نسيانك مهو بكيفي
وعيونك نجوم الليل
كل الليل في صيفي

أحارب عالم عيونك
أحارب ينكسر سيفي
أبحر فيك يا حلوة
تغرقني مجاديفي

أنا بصحرا سكوتي انتحر وحدي
أعاني الصمت
أعاني الخوف
أعاني وجدك ووجدي
بهاجر من جديد أبدي
بحارب بالجمر بردي
بصمم أوفي في وعدي
وأصمم أحكي ما عندي
ولما يرتفع صوتي
أحيّ حتى الورق ضدي
أنا المقسوم للسكته أنا المقسوم
أنا العايش .. أنا المعدوم
أنا غيمة مطر
وأنا العطش كل يوم
كنت آكل من اشعاري
كنت أشرب من اشعاري
وكنت أعزم على المقسوم
كنت أتعاطى هم الناس
كان ( بيتي ) بيوت الناس
وياما بدفتر بيوتي
طاردني السهر والنوم
وياما بليلي ضاع الليل
في سكة قمر مهموم
وياما بشعري وأشعاري
غفت ياما كثير نجوم
أمشي في شوارع ليل
غريب حتى عن ثيابي
غريب حتى عن احساسي
عن اعجابي
أضيع في غربة الألوان
أسير الصمت وأعصابي
أضيع تحت المطر غابة
ارفضتني أصغر أعشابي
أضيع مثل الطفل في البر
حزن الليل ألعابي
أمشي .. أمشي .. طول الليل
الماضي يوقفني
الذكرى تصادفني
أمشي .. أمشي .. طول الليل
تتعب مني أتعابي
أمشي .. أمشي .. طول الليل
يبكي دربي وترابي
أنا أول شجر
أغصانه ممنوعه
أنا أول شجر
يشرب من دموعه
يهاجر ظلي من تحتي
يترك صوتي حنجرتي
تصير السكتة مشروعة
وبين الهجرة والهجرة
يموت الحب من جوعه
وتبكي خطوة عيوني
تبكي .. تبكي مخدوعه
أحاول امشي واتردد
جميع دروبي مقطوعه

ليتنى همك · 12-13-2005

(( أنا آسف ))

أنا اللي يوم تمنيتك

ترجيتك وناديتك

أنا اللي قلت لك

كل الفرح بيتك

تعب صوتي .. ومليتك
تعب قلبي .. وخليتك
حبيبي .. لا أبد مو انت
ذاك اللي تمنيتك
أنا آسف .. أنا آسف
اذا في يوم حبيتك

نثرت الروح في كفك أماني
وقلت اطلب ..
كل الأرض مفروشه بحناني
وكل الشوق سويته اغاني
لا انت صوبي ولا يمّي
ولا حسيت في همي
جيت الحين ترعاني
تصورت الجروح تطيب
في لحظه .. وثواني

أنا اللي قبلك مضحّي
ولا تحتاج حق شرحي
تدري يا سبب يأسي
وسبب جرحي
انت ادري .. انت ادرى
ولا تحتاج حق شرحي
ايدي اللي كتبت اسمك
بدت تمحي ....

ريما · 12-13-2005

يسلموووو ليتني على الفكرة الحلوه ... أختيار موفق لشاعر كبير ... الشاعر الاسير الشهيد فائق عبدالجليل

تغنى له الكثير من المطربين ... راح أشارك معكم بـــ.... لو ما احبك :wub:

:

:

لو ما احبك
كلمات: فائق عبدالجليل
لحن: طلال مــــــــــــداح

حبيبي ..لي خطيت اغذرني ..تعب مني التعب
حيرته.. وحيرني.. وخليــــنا الامل حيـــــران
ارجع لي من النسيان..
مـين فيــنا اللي مايخطي ..في حالة غضب
.........
لو ما احبــك عشت في الدنيا غريـــب
لو ما احــبك كنت ذايــع يالحـبيـــــــب
لو ما احـبك مابكي بصدري غرامــي
لو ما احـبك ما تأســفـت بكلامـــــــي
.........
لو ما احـبك ماتبـــــــسم لي زمــانــي
لو ما احـبك عشت طول عمري اعاني
لو ما احـبك ما تغنــّي بك لســــــــاني
لو ما احـبك ما أجـــــيك بشوق اعاني

ليتنى همك · 12-13-2005

(( في الجو غيم ))

قبل الوعد
جيت بدقايق
بعد الوعد
جات بدقايق
والتقينا بلهفة العاشق .. التقينا
واهمست .. العيون بتشاور علينا
شاغلتنا
لاحقتنا
واحنا تونا ما حكينا
جيت اقول .. وابعد الخوف بكلامي
جيت اطمنها .. واحسسها بغرامي
قاطعتني .. واهمست همس النسيم
أرجوك ابعد ابعد
ترى في الجو غيم

راحت .. مشت
وعيوني تتبعها
راحت .. مشت
مجبور اودعها
يرضيك يا شوق
كذا العيون تمنعها ؟
يرضيك يا شوق
تطالعني واطالعها ؟
والله لولا عيون الناس
والله لولا كلام الناس
لامشي وراه واتبعه
وازرع في قلبي ابتسامه
آه .. يا أجمل وعد
آه .. صابتك عين الحسد
شاغلتنا
لاحقتنا
واحنا تونا ما حكينا
جيت اقول .. وابعد الخوف بكلامي
جيت اطمنها .. واحسسها بغرامي
قاطعتني .. واهمست همس النسيم
أرجوك ابعد ابعد
ترى في الجو غيم

ريما · 12-13-2005

,

ومن قصايد الشاعر القريبه لقلبي ... وأتوقع قريبه منكم ولامست أحساسكم

هذه الابيات ...

نساي

نســـــــــاي.. وانت الهوى بالنسبه لى والماي

اسمع أنا صوتك ولا تسمع نداي

اشهق انا باسمك..واشتاق له وانت معي

اكتب على سمعي اغاني

اكتب واغنيك..حيرتني واحترت انا فيك

تزعل بلا أسباب..وتعاند وأراضيك

بكل حالاتك انا أبيك..بكل زلاتك انا أبيك

حبيبـــــــي انت..والا العذاب انت

والا الفرح انت

مدري وش اسميك...

نســــــــــــاي

تغيب والدنيا معك تغيب

تقطع خيوط الشمس عني

ويصبح العالم كئيب

وأصحبت انا لوحدي على

ارضيك غريب

ما تكتفي من غربتي

ما تكتفي من حيرتي

الله عليك كم انت عجيب..الصمت دايم لعبتك

الصمت احيان رهيب

ليتنى همك · 12-13-2005

(( المعازيم ))

يوم اقبلت
صوّت لها جرحي القديم
يوم اقبلت طرنا لها
آنا وشوقي والنسيم
وعيونها .. آه يا عيونها
عين لمحتني وشهقت
وعين احضنت عيني وبكت
ويا فرحتي
الحظ هالليله كريم
محبوبتي
معزومه من ضمن المعازيم

في زحمة الناس
صعبه حالتي
فجأه اختلف لوني
وضاعت خطوتي
مثلي وقفت
تلمس جروحي وحيرتي
بعيده وقفت
وانا بعيد بلهفتي
ماحد عرف شلي حصل
ماحد لمس مثلي الأمل
كل ابتسامه مهاجره جات
ورجعت لشفتي
كل الدروب الضايعه مني
تنادي خطوتي
ويا رحلة الغربه وداعاً رحلتي
ويا فرحتي
الحظ هالليله كريم
محبوبتي
معزومه من ضمن المعازيم

يا عيون الكون
غضي بالنظر
واتركينا اثنين
عين تحكي لعين
اتركينا الشوق ما خلّى حذر
بلا خوف بنلتقي
بلا حيره بنلتقي
بلتقي فعيونها
وعيونها أحلى وطن
وكل الأمان
ويا فرحتي
الحظ هالليله كريم
محبوبتي
معزومه من ضمن المعازيم

ريما · 12-13-2005

اخترت لكم من روائع
الشاعر الأسير الشهيد
( فائق عبدالجليل )

شرديني ... اتبعيني

وزعيني في تضاريس الثواني

في محطات .. ومواني

اهدمي مجدي اللي ضمنّته

ملايين المعاني

احرقي خيمة حناني

شرديني

شردي طيور الأماني

اجبري ايامي ترحل عن زماني

غيري طعم القصايد في لساني

شرديني

اتبعيني

أنا بيتي هناك في اللاشي مكاني

((( أشعار فايق عبدالجليل )))

منتدى الشعر

((( أشعار فايق عبدالجليل )))

منتدى الشعر