سلاااااااااام عليكم..
كييفكم يابناااااااااااااااااات
حاجاوب على الاسئلة اللي محد عبرها غير قاردينيا وريما :001: الله يسعدهم يارب :52:
يلا بسم الله ابدأ :
س / ماهي أول خطوة جمال تقومين بها صباحا ؟
اغسل وجهي بالمويا والصابون الخاص ببشرتي من كلينك .
س / مالكريمات المفضلة لديك وكيف تختاري عادة الكريم المناسب لبشرتك ؟
الكريمات المفضلة هي كريمات كلينك واختار الكريمات على اساس اللي احتاجو لبشرتي يعني مثلا انا بشرتي جافة مررة وحساسة فاختار الكريم المرطب المناسب للبشرة الحساسة , واخترت كلينك على اساس انها ماركة تعتبر طبية تقريبا
س/ هل تلتزمي بوضع واقي من الشمس قبل التعرض لها بالوقت المحدد ؟
ايوة استعمل واقيين من الشمس واحد 8 spf لمن مااخرج من البيت في النهار , والتاني 25 spf لو اني خرجت في الشمس من الساعة 10 الى 5 , ولمن ريما نصحتنا اننا نحط واقي واحنا عالكمبيوتر سرت احط ( ميرسي ريموو عالنصيحة )
س / هل هناك علاجات طبيعية معينه أختبرت فاعليتها ؟
صراحة انا مااستغني عن ماسك النشا والماء ورد احس انو يعطي البشرة بريق .. وحاليا جربت اللبن الزبادي زي مانصحوا قادري وريموو ومررة ناسبني ( شفتو كيف حلو الواحد يستفيد من تجارب الاخرين هههههههه )
س / هل هناك وصفة خاصة أو سر تعتمدينه لتحافظي على جمال بشرتك ؟
اشرب مويا مرررة كتير , مرة في الاسيوع احط خيار على كل وجهي احسو يشد الوجه , حاليا سرت اعمل مرتين في اليوم كمادات تلج على وجهي احس بالنضارة والحيوية زي مانصحت قاردي ( يسلموو على النصيحة الحلوة )
س/ هل لديك برنامج يومي او اسبوعي للاهتمام بجمالك ؟
برنامج يومي الثلاث خطوات من كلينك مرتين يوميا اول مااصحى وقبل ماانام .. الصابون ينظف البشرة التونيك يعقم البشرة والكريم يرطب البشرة وبعدها في الصباح احط كريم الشمس وفي الليل احط كريم مجدد للخلايا .. دا بالنسبة لوجهي .
لعيوني احط كريم للعيون من كلينك اسمو اول اباوت ايز ودا عشان يأخر التجاعيد ويخفف الهالات السوداء ويرطب البشرة اللي حول العين .. ومن جد يابنات مررة مررررة ممتاااااااااااااااااز
لرجولي كل يوم احط فازلين للرجول والبس الشراب وانام خخخخخخخخخخخخخخخخ زي العجايز, مرة ينعم الرجول ومايخليها محتاجة لبديكير مو زي رجوول التماسيح يالطيف هههههههههههههه
للجسم بعد الاستحمام مباشرة وبدون التنشيف احط فازلين مرة يرطب البشرة ويوميا استخدم كريم سيبا ميد لوشن مررة كويس .
س / ماالذي تكرهينه في شكلك ؟
مااكره شي في شكلي .. طبعا مافي احد كامل اكيد كلنا فينا عيوب بس مو لدرجة اني اكره شكلي ولا اكره شي فيا ..
س / ما النصيحة التي تعطينها لكل فتاة وسيدة كي تحافظ على جمالها ؟
انها تشرب مويا كتير , ماتنسى السن بلوك لانو مررررة مهم , ماتهمل نفسها ابدا , طبعا تنسى همومها وترميها ورا ضهرها لانو حمل الهموم يكبر مليوون سنة ويخلي الوحدة فينا تنسى نفسها وتنسى صحتها .. وشي انا مؤمنة بيه مررة انو الابتسامة فيها سر جمال يعني البنت لمن تبتسم تبان حلووة فليش تكشري ابتسمي للحياة تبتسملك
س / كيف تحافضي على جمال شعرك وحيويته ؟
اول شي كلنا نعرف انو الشعر لمن يتغسل بالشامبو يفقد الزيوت اللي فيه عشان كدا انا استعمل بلسم هيربل مررة مناسبني وخصوصن انو شعري مصبوغ ومقصف ومعدوم جدا فاحزن عليه مررة اقوم احطلو بلسم عشان لا يزعل ..
ومرة في الشهر احط حمام زيت مجمع من زيوت طبيعية هي الزيتون واللوز والسمسم والنارجين .. طبعن ريحتها عفنة بس مررة كويسة اسويه لمن ماعندي خرجة تاني يوم واغسل شعري مرتين بالشامبو والبلسم عشان الريحة ترووح خخخخخخخخخ ..
س/ ماهي ماركة المكياج التي تفضلينها ؟
مالي ماركة معينة من كل بستان قطرة .. بس في الفونديشن مااستعمل غير كلينك , في الشدو ميك اب فور ايفر ومكياجي , في الروج مكياجي وبودي شوب , في الكحل مكياجي وماك , المسكارا كريستين ديور وماكس فاكتور , البلاشر شانيل وبودي شوب .
س/ ماهو الشيئ التي من المستحيل الاستغناء عنه في المكياج بالنسبة لك ؟
الكحل اولا وبعدين المسكارا
س / ماعطرك المفضل ؟
مالي عطر معين كل يوم عطر شكل بس حاليا استخدم اكتر من عطر حسب المزاج منها : بي ديليشز من دي كي ان واي , لايف از من بودي شوب , مدموزيل من شانيل , توباكو فلاور من بودي شوب , سينما من ايف سان لوران , امور امور مررة يجنن
س / من المصمم العربي أو الأجنبي المفضل لديك ؟
الاجنبي فالنتينو , العربي ايلي صعب ... بس طبعا ماقد اشتريت منهم خخخخخخخخخخخخخ بس اصرق تصاميم واروح عند الخياطة
س / أي الألوان تحبين أكثر ؟
البينك او الوردي بكل الدرجات من افتح درجة وردي لغاية اغمق درجة فوشي .... وكمان احب البرتقالي واالاصفر والاخضر والازرق بكل درجاته والتركواز وطبعن ملك الالوان الاسود
س / نصيحة منك لكل العضوات ؟
عدم السهر الكتييير لانو مررة يتعب البشرة والجسم , لا تنامي وانتي على وجهك اي اثر للميك اب حتى لو بسيط ..
س / اي نوع من الاحذية تفضلي ؟
كل الانواع حسب المناسبة يعني في السهرات البس كعب عالي وفي الاسواق احوب الفلات اللي زحااف مررة وفي الجامعة والسفر افضل الشوز الرياضي .. بس احب الانواع لقلبي الصنادل اللي تجمع بين الاناقة والراحة يعني يكون شكلها حلو مرررة وتكون مريحة وكعبها مو مرة عالي حوالي 1 او 2 سم
س / ماذا عن حقيبتك " نوعها ، شكلها ، لونها " ؟
والله مررة اعشق الشنط واتبسط لمن اشتريها مالي شكل معين بس اكتر الشنط تشدني الصغيرة الناعمة اللي لونها اسود .. بس افضل لمن اكون لابسة لبس تكون شنطتي متناسقة مع لبسي ..
س / ما أول مايلفت نظرك في أناقة امرأة ؟
شنطتها .. لانو اول شي اقدر اشوفو من المرأة شنطتها وحتى لو كانت مهي غالية ممكن تكون انيقة بعكس الملابس او العباءات او الاكسسورات او الساعات , اما ازا كانت ماتشيل شنطة تلفتني اكسسورارتها من خواتم او اساور او ساعات ..
س / ماقطعة المجوهرات التي لاتخرجين من دونها ؟
الساعة والخاتم
س / كيف تحافظي على رشاقتك ؟
مااكل وانا باتفرج تلفزيون , قبل الاكل اشرب كاستين مويا باردة..
س / هل تؤمنين بعمليات التجميل ؟
اؤمن بها عند الحاجة الماسة اليها .. يعني ازا كان الانسان مشوه ولازم عملية التجميل له غير كدا لا ..
س / هل تمارسي الرياضة ؟ مانوعها ؟
ايوة .. المشي ساعة كل يوم ..
س / هل هناك نوع من الطعام لا تستطعين مقاومته ؟
اممممممممم طبعا اي شي فيلو شوكلت مااقدر اقاومو مررة مووصيبة كبيرة صح هههههههههاااي
وبسس ان شاء الله تستفيدوا خخخخخخخخخخخ مع اني اشك في كدا
يلا يعطيكم العافية
العرض العادي
